22 t' April, 2012
10:02 CET |
Kif mistenni, Napoli għelbu lil Novara u ħadu tliet punti oħra li bihom telgħu fil-ħames post fuq Roma fis-Serie A.
Il-goals għal Napoli waslu fl-ewwel taqsima minn Cavani u Cannavaro, u issa telgħu punt taħt Udinese, li ħadu daqqa ta’ ħarta meta kienu miżmuma draw mingħajr goals għand Chievo, li saħansitra fallew penalty minn Thereau, żewġ minuti qabel il-mistrieħ.
Catania saħħew it-tmien post b’rebħa importanti kontra Atalanta u qabżuhom ukoll fil-klassifika. Il-goal li ddeċieda l-logħba skorjah Gomez fil-31 minuta. Cagliari komplew bis-serje negattiva barra minn darhom meta tilfu 3-0 għand Parma b’goals minn Giovinco fl-24 minuta u penalty kull wieħed minn Floccari u Chuka wara l-mistrieħ.
Illum jispikkaw il-konfronti Fiorentina v Inter, u l-lejla dak bejn Juventus u Roma.
Riżultati
Chievo v Udinese 0-0
Parma v Cagliari 3-0
Catania v Atalanta 2-0
Napoli v Novara 2-0
Illum
Fiorentina v Inter (12:30)
Cesena v Palermo (15:00)
Genoa v Siena (15:00)
Lazio v Lecce (15:00)
Milan v Bologna (15:00)
Juventus v Roma (20:45)
|
sezzjoni: sport
Ċentri tas-saħħa
