23 ta' Lulju, 2012
21:12 CET |
It-tim Olimpiku Amerikan wera inkonsistenza kbira imma xorta kien kapaċi jirbaħ lill-Arġentina 86-80 b'partita ta' ħbiberija ta' qabel l-Olimpjadi li ntlagħbet fil-Palau Sant Jordi ta' Barċellona.
Kevin Durant mexxa liċ-Champions renjanti Olimpiċi Amerikani b'27 punt u Kobe Bryant żied 18-il punt ieħor waqt li Manu Ginobili kien l-aħjar għall-Arġentina bi 23 punt.
L-Arġentina resqu sa erba' punti viċin 78-74 meta kien fadal anqas minn tliet minuti għat-tmiem imma l-Amerikani żammewhom bi three pointers ta' Durant u Chris Paul.
L-Amerikani kellhom bidu tajjeb u għamlu l-ewwel seba' baskets tal-logħba inkluż tliet three-pointers miċ-Champion tal-NBA Durant biex marru 16-1 minn fuq u 31-16 sa tmiem l-ewwel sessjoni.
Imma l-Arġentina, midalja tal-bronż fl-2008 u Champions fl-2004, wettqu rimonta u marru 47-40 minn taħt sal-mistrieħ wara li saħansitra kienu marru 20 punt minn taħt 39-19.
L-Amerikani reġgħu taw wirja tajba fit-tielet sessjoni meta kisbu l-ewwel seba' punti f'run ta' 11-3 imma raw il-vantaġġ ta' 20 punt jevapora. L-Arġetina nkoraġġuti minn seba' punti ta' Carlos Delfino, issuperaw lill-Amerikani 12-3 lejn tmiem it-tielet sessjoni biex l-iskor kien 72-61 qabel l-aħħar sessjoni.
L-Amerikani issa jilagħbu l-aħħar logħba ta' ħbiberija llum kontra Spanja f'dik meqjusa bħala ripetizzjoni tal-final ta' Beijing qabel imorru Londra.
|
sezzjoni: sport
Ċentri tas-saħħa
