9 ta' Mejju, 2012
19:26 CET |
Novara, Atalanta u Siena ġew infurmati li se jiġu investigati dwar suspett ta' logħob immanipulat. Dawn it-tliet klabbs huma tlieta minn 22 li se jkunu investigati matul ix-xhur li ġejjin. Tim ieħor li se jkun investigat hu dak ta' Sampdoria, tim li dan l-istaġun lagħab fis-Serie B. B'kollox se jkunu investigati madwar 52 player. Dan kollu ġie żvelat mill-FIGC.
Il-FIGC iffrumat lista ta' 33 partita li jidhru suspettużi. Il-maġġoranza ta' dawn il-logħob huma tas-Serie B filwaqt li hemm tnejn minnhom tal-Coppa Italia. Atalanta, Novara u Siena kollha kienu għadhom jilagħbu fis-Serie B meta kien hemm dawn il-partiti suspettużi. Wieħed mit-52 player hu fil-fatt Cristiano Doni, eks player ta' Atalanta li f'Diċembru li għadda kien ġie arrestat u saħanistra sospiż għal tliet snin u nofs.
F'April li għadda l-eks difensur ta' Bari, Masiello ukoll kien arrestat wara li kien akkużat li immanipula logħba tas-Serie A.
Tmien players oħra ta' Bari bħalissa qed ikunu investigati mill-pulizija dwar aktar logħob.
|
sezzjoni: sport
Ċentri tas-saħħa
