Irid jibni verżjoni ġdida tat-Titanic

Clive Palmer, biljunarju Awstraljan, ħabbar li se jibni verżjoni ġdida tat-Titanic, li għereq 100 sena ilu. Il-vapur, it-Titanic II, mistenni jagħmel l-ewwel vjaġġ tiegħu lejn nofs l-2016 tul l-istess rotta ta’ 100 sena ilu, mir-Renju Unit lejn l-Istati Uniti. Hu saħaq li l-mudell il-ġdid tal-vapur se jkun mibni b’tali mod li ma jkunx jista’ jegħreq. Dan il-vapur se jkun imgħammar bit-teknoloġija moderna kollha biex ikun aktar sigur.

 

Palmer qal li ħoloq kumpanija apposta, il-Blue Star Line Pty Ltd, il-vapur oriġinali kien tal-kumpanija White Star Line. Il-vapur se jinbena mill-kumpanija Ċiniża CSC Jinling Shipyard.