Tkompli l-kwistjoni diplomatika bejn l-Ingilterra u l-Ekwador fuq Julian Assange

Tkompli l-kwistjoni diplomatika bejn ir-Renju Unit u l-Ekwador wara li dan tal-aħħar ta kenn politiku fl-ambaxxata tiegħu f’Londra lill-fundatur ta’ Wikileaks Julian Assange.

Assange kien qed jinżamm fir-Renju Unit sakemm kien għaddej il-proċess biex jiġi estradit lejn l-Iżvezja fejn kellu jaffaċċja akkużi ta’ stupru.

Madanakollu, avukata prominenti fir-Renju Unit qalet li l-azzjoni tal-Ekwador ma tbiddel xejn mill-pożizzjoni legali ta’ Assange għaliex dan qed jikser il-kundizzjonijiet ta’ liberta’ proviżorja u hemm mandat ta’ arrest Ewropew kontrih. Il-pulizija għandha  ordnijiet li tarrestaħ immedjatament kif joħroġ mill-ambaxxata.