Mario FRENDO
18 t' Awwissu, 2012
14:39 CET |
Dave Berry, Mike Pender, Wayne Fontana, Brian Poole u l-grupp Vanity Fare se jkunu l-protagonisti f'kunċert li se jkun qed isir fl-20 t'Ottubru li ġej u li se jkun qed ilaqqa' flimkien dawn l-artisti lkoll mill-epoka mużikali tas-snin sittin.
Infatti, l-kumpanija ShowsMalta se tkun qed iġġib f'Malta ix-xow 'The Solid Silver 60's Show' – kunċert li ilu għal dawn l-aħħar 27 sena jinżamm f'pajjizi madwar id-dinja.
Sugar and Spice, Sweets for my Sweet, Memphis Tennessee, Game of Love, Twist and Shout, Someone Someone u I live for the Sun huma fost il-kanzunetti popolari tas-snin sittin li se jkunu qed jiġu nterpretati mill-artisti li se jipparteċipaw.
Mike Pender mill-grupp The Searchers se jkun qed jinterpreta kanzunetti bħal 'Needles and Pins' u 'Sweets for My Sweet', filwaqt li Dave Berry se jkun qed jiterpreta kanzunetti bħal 'Little Things'.
Min-naħa tagħhom, Wayne Fontana u Brian Poole se jkunu qed jinterpretaw kanzunetti bħal 'Game of Love' u 'Twist and Shout' rispettivament. Il-grupp Vanity Fare ħa jkun qed jinterpreta kanzunetti li għamlu suċċess bħal 'I Live for the Sun'.
Il-kunċert qed jitqies li se jkun wieħed uniku u leggendarju hekk kif ħafna mill-kanzunetti ta' dawn l-artisti laħqu pożizzjonijiet għoljin fiċ-charts fis-snin sittin.
L-artisti mistennija jagħlqu l-kuncert b'wirja flimkien fuq il-palk.
|
sezzjoni: Mużika
Ċentri tas-saħħa
