Talbet lill-Qorti biex tagħtiha sentenza u marret 10 xhur ħabs

 Justine Zammit ta’ 26 sena minn Ħaż-Żebbuġ, kienet ikkundannta 10 xhur ħabs wara li l-Qorti qieset il-fatt li dan l-aħħar ma kinetx qiegħda tikkopera mal-uffiçjali tal-‘probation’ li kienu qegħdin jippruvaw jgħinuha bit-tama li xi darba teħles mill-problema tal-vizzju tad-droga.

Quddiem l-Imħallef David Scicluna, tressaq rapport ta’ uffiċjal tal-‘probation’, li fih jingħad li Justine Zammit ma kinitx qiegħeda tieħu l-kura meħtieġa għax riedet hi u li fis-27 ta’ Mejju 2012, ħarbet mill-programm tal-Caritas, wara inqas minn ġimgħa li kienet bdietu.

 

Ħareġ ukoll li hija naqset milli tkompli tagħmel kuntatt mal-uffiċjal, fejn anke fis-seduta tal-15 ta’ Ġunju 2012, Zammit ma dehritx il-Qorti u wara li l-Qorti ġiet informata li kienet tinsab il-ħabs, il-każ ġie differit.

Fis-seduta tat-18 ta’ Ġunju, 2012, Justine Zammit iddikjarat li riedet li tingħata sentenza. Is-sentenza li kellha fil-konfront tagħha kienet tirrigwarda serqa minn Birżebbuġa kif ukoll li laqgħet għandha ħwejjeġ misruqin F’Awwissu, il-Qorti tagħt l-aħħar ċans lil Justine Zammit biex tirriforma ruħha u qegħditha taħt ‘probation’, iżda l-fatt li ma għarfitx tieħu din l-opportunità u l-isforzi li saru magħha kienu għalxejn, juru nuqqas ta’ impenn u motivazzjoni, speċjalment bl-atteġġjament tagħha quddiem il-Qorti, fejn talbet li tingħata s-sentenza.

Il-Prosekuzzjoni tmexxiet mill-Ispettur Priscilla Caruana.