Talba qawwija mill-pubbliku u mill-investituri finanzjarji għall-iStocks tal-Gvern ta' Malta

Kien hemm talba qawwija mill-pubbliku kif ukoll mill-investituri finanzjarji għall-ħruġ tal-iStocks tal-Gvern ta' Malta ta' Ġunju 2012 b'rata ta' imgħax fissa.

B'kollox daħlu 5,120 applikazzjoni jew offerti b'irkant b'valur nominali ta' aktar minn €191 miljun meta l-ammont maħruġ kien ta' €120 miljun li jista' jiżdied b'massimu ta' €60 miljun.

It-Teżor ħabbar li l-applikazzjonijiet li saru mill-pubbliku li laħqu l-ammont ta' aktar minn €97 miljun, se jintlaqgħu kollha.