Sajjied Taljan evakwat mill-Forzi Armati ta' Malta

Sajjied Taljan ta' 37 sena ġie evakwat mill-Forzi Armati ta' Malta minn fuq id-dgħajsa tas-sajd "Naucratus" li kienet tinsab 113 mili nawtiċi x-Xlokk ta' Malta. Iċ-Ċentru għall-Kordinazzjoni tas-Salvataġġ ta' Ruma rċevew talba għall-għajnuna għall-ħabta tas-23:45 tal-bieraħ wara li kien qed isofri uġigħ f'sidru.

Mal-ewwel ntbagħat helikopter b'membri tal-ekwipaġġ Malti u Taljan. Is-sajjied ittieħed l-Isptar Mater Dei biex jingħata l-kura.