Ribelli Sirjani jattakkaw bażi militari

Ribelli Sirjani attakkaw bażi militari tar-reġim ta' Bashar al-Assad mill-baħar permezz ta' dgħajjes. Dan kien l-ewwel attakk ta' dan it-tip u skont rapporti inqatlu persuni fuq iż-żewġ naħat. Dan fl-istess waqt li l-awtoritajiet Libaniżi żammew vapur li fuqhu kien hemm tliet containers mimlija armi, li intbagħtu mil-Libja għall-militanti Sirjani. Il-vapur twaqqaf fil-port ta' Tripli fil-Libanu, fejn hemm appoġġ kbir għar-ribelli Sirjani.