Raġel ta' 72 sena jitlef ħajtu minħabba ħruq fir-residenza tiegħu

Raġel  ta' 72 sena minn Tas-Sliema tilef ħajtu kawż ta' ħruq li ġarrab. L-inċident seħħ għal ħabta tat-tmienja u għaxra tal-lejla meta r-residenza tiegħu fi Triq Blanche ġiet maħkuma min xi nirien.

Fuq il-post issejħu membri tal-Protezzjoni Ċivili kif ukoll tim mediku mill-Isptar Mater Dei biex jingħata l-kura meħtieġa. Imma sfortunatament ir-raġel ġie ċċertifikat mejjet fuq il-post.

Bil-każ ġie nfurmat il-Maġistrat tal-Għassa Tonio  Micallef Trigona li ħatar diversi esperti biex jgħinuh fl-inkjesta. Aktar investigazzjonijiet għadhom għaddejjin.