Raġel isofri minn ġrieħi gravi f'inċident ta' traffiku

Sewwieq ta' mutur issofri minn ġrieħi gravi wara li għal ħabta tal-10am tas-Sibt filgħodu kien involut f'inċident tat-traffiku fi Triq il-Kbira, Santa Venera.

Ir-raġel li għandu 56 sena u residenti l-Ħamrun kien qiegħed isuq mutur ta' tip Piaggio meta għal xi raġuni ħabat ġo vettura ta' tip Ford Fiesta misjuqa minn mara ta' 31 sena mill-Furjana.

Fuq il-post issejħet Ambulanza fejn ħadet lis-sewwieq tal-mutur l-Isptar Mater Dei sabiex jingħata l-kura meħtieġa. Aktar tard huwa ġie ċċertifikat li qiegħed issofri minn ġrieħi ta’ natura gravi. 

L-istħarriġ tal-Pulizija għadu għaddej.