14 ta' Lulju, 2012
15:57 CET |
Stefan Moon, ir-raġel li tilef ħajtu l-Ġimgħa filgħaxija fir-Ramla l-Ħamra, miet mgħarraq.
Dan kien konfermat mill-awtopsja li saret fuq il-katavru ta' Moon fl-Isptar Ġenerali t'Għawdex.
Il-missier ta' 42 sena u li kien jghix fin-Nadur Għawdex, tilef ħajtu l-Ġimgħa fil-bajja Għawdxija wara li sab ruħhu f'diffikuta' waqt li kien qed jgħum.
Hu ttella fuq ir-ramel mill-membri tal-Emergency Response and Rescue Corps, li ppruvaw ituh in-nifs.
Ftit tal-ħin wara waslu wkoll membri tad-Dipartiment tal-Protezzjoni Ċivili li wkoll tawh l-ewwel għajnuna. Iżda kien kollox ta' xejn hekk kif ir-raġel miet fil-post.
Dak il-ħin, fil-bajja, kien hemm diversi persuni li raw din ix-xena kerha tiżvolġi quddiem għajnejhom.
L-awtopsja kkonfermat li Stefan Moon miet minħabba l-ilma li bela' u jirriżulta li ma kellux problemi b'saħħtu.
Infatti, Stefan Moon kien deskritt bħala bniedem avventuruz u f'saħħtu, tant li kien anke jieħu sehem fil-maratoni.
|
sezzjoni: aħbarijiet lokali
Ċentri tas-saħħa
