L-ewwel album mill-grupp Bletchley Park

My Body Fighting huwa l-ewwel album li nieda l-grupp Malti Bletchley Park.

Dan l-album huwa kollezzjoni ta' 12-il diska fuq stil alternattiv. Is-siltiet li jinsabu f'dawn l-album ġew magħżula minn numru ta' kanzunetti oħra miktuba minn dan il-grupp matul is-snin.

Waqt din il-konferenza tal-aħbarijiet, il-membri tal-band Bletchley Park iddeskrivew l-album MY BODY FIGHTING bħala vjaġġ mużikali li ppermetta li l-mużika tagħhom timmatura u tieħu d-direzzjoni tagħha, anke jekk lil hinn mill-mużika li mdorrijin nisimgħu mingħand din il-band.

Għalkemm l-istil tal-mużika ta' Bletchley Park imur lil'hinn minn dak kummerċjali, il-ħoss li pproduċiet din il-band li huwa wieħed definit minn kitarri melodjużi u vuċi misterjuża, intlaqa' tajjeb ħafna mid-dilettanti tal-mużika.

Fl-2010, il-band Bletchley Park rebħet l-unur ta' Best New Comer fl-avveniment annwali tal-mużika- Bay Music Awards. 

Ritratt: Bletchley Park