L-allegazzjonijiet ta' Joe Mizzi huma infondati u libellużi - Richard Cachia Caruana

Richard Cachia Caruana ppreżenta kwerela lill-Pulizija sabiex jinbdew proċeduri kriminali kontra d-Deputat Laburista Joe Mizzi u kontra l-editur tas-Super One Kurt Farrugia.

Dawn il-proċeduri kriminali mistennija jibdew wara l-allegazzjonijiet li għamel Joe Mizzi fil-konfront ta' Richard Cachia Caruana u li ġew imxandra fuq is-Super One fil-bulettin tal-aħbarijiet tal-bieraħ filgħaxija.

Fi stqarrija, Richard Cachia Caruana qal li l-allegazzjonijiet ta' Joe Mizzi fil-konfront tiegħu u li ġew imxandra fuq is-Super One huma infondati, inveriterji, itellfu jew inaqqsu r-reputazzjonijiet tiegħu u għalhekk huma libellużi.

Il-kwerela ġiet iffirmata mill-Avukat Joe Zammit Maempel.