L-Oppożizzjoni twarrab l-interess nazzjonali u tarmi l-ħaddiema Maltin fil-qasam tas-saħħa

L-Oppożizzjoni Laburista għamlet deċiżjoni oħra żbaljata fejn flokk tappoġġja l-ħidma li għamlu, għażlet li tattakka l-ħaddiema fil-qasam tas-saħħa.

Fi stqarrija b’reazzjoni għal li qalet id-Deputat Laburista Marie Louise Coleiro, il-Partit Nazzjonalista qal li hu għajb li l-oppożizzjoni tipprova tiskredita lill-ħaddiema Maltin u tiddefendi rapport li ġie kummissjonat minn kumpaniji farmaċewtiċi. Flok fittxet l-interess ta’ pajjiżna u ngħaqdet mal-Gvern biex tiddefendi u tirringrazzja lill-ħaddiema għażlet li tarmihom fl-interess partiġġjan tagħha.

Kuntrarju għall-Partit Laburista, ittemm l-istqarrija, il-PN irringrazzja lill-ħaddiema tas-saħħa li jagħtu servizzi mill-aqwa lill-pazjenti u lil min ikollu bżonn xi servizz.