Marita PACE
23 ta' Lulju, 2012
20:03 CET |
'Unforgettable Musicals' huwa l-isem ta' kunċert li se jiġbor l-aqwa siltiet minn diversi musicals, li se jsir nhar l-Erbgħa 25 ta' Lulju fi Pjazza San Franġisk fir-Rabat Għawdex.
Dan il-kunċert qed jittella' minn Centre Stage Dance Academy bil-kollaborazzjoni tal-Ministeru għal Għawdex u l-Uffiċju tal-Kultura f'Għawdex.
Kull min se jattendi mhux biss se jgawdi minn spettaklu sħiħ ta' divertiment, imma se jkollu wkoll l-opportunita' li jisma' l-aqwa siltiet minn uħud minn bosta musicals fosthom Cats, Chicago, Grease, Sound of Music, Phantom of the Opera, Les Miserables, Grease u Mamma Mia fost ħafna oħrajn.
Minbarra l-varjazzjoni fil-mużika, il-kunċert se jkun imżewwaq wkoll fi żfin- se jkun hemm 40 silta ta' korjografija.
Unforgettable Musicals, li d-dħul għalih huwa b'xejn, se joffri serata mill-aqwa mimlija żfin, kant, kostumi u xenarji mill-isbaħ.
|
sezzjoni: aħbarijiet lokali
Ċentri tas-saħħa
