Jitnieda programm ġdid ta' tagħlim għal accountants

Tnieda programm ġdid ta' tagħlim għal dawk l-istudenti li jixtiequ jagħżlu l-karriera ta' accountants permezz ta' kwalifika internazzjonali mill-Institute of Chartered Accountants tal-Ingilterra u Wales. 

Meta kien qed jitkellem waqt it-tnedija ta' dan il-programm, il-Ministru tal-Finanzi l-Ekonomija u l-Investiment Tonio Fenech qal li s-settur tas-servizzi finanzjarji qed ikompli jikber u llum il-ġurnata hawn mat-tnax il-elf ruħ impjegati f'dan is-settur, waqt li fl-ewwel ħames xhur ta' din is-sena mal-elf u sitt mitt  kumpanija ġdida ġew reġistrati mal-Awtorita' Maltija tas-Servizzi Finanzjarji. 

F'din l-okkazjoni tkellmu wkoll Martin Manuzi, id-Direttur Regjonali Ewropew ta' dan l-Istitut, kif ukoll Charles Rapa li lokalment jippresiedi fuq il-Bord tal-Accountancy.