Jitħabbar il-kabinett Franċiż ġdid

Il-Prim Ministru l-ġdid ta' Franza Jean Marc Ayrault, li bħall-President Soċjalista Hollande għadu qatt ma kellu esperjenza ministerjali, il-bieraħ filgħaxija ħabbar il-kabinet ġdid tiegħu. Fih tispikka n-nuqqas ta' Martine Aubry, l-kap tal-Partit Soċjalista u meqjusa minn ħafna bħala r-rivali ta' Ayrault għal kariga ta' Prim Ministru. 

Fil-kabinett jispikkaw ukoll numru ta' ismijiet meqjusa bħala lealisti kbar tal-President Soċjalista Francois Hollande, kif ukoll in-nuqqas ta' nisa fl-aktar ministeri importanti wara li l-President Hollande, tul il-kampanja presidenzjali, kien wiegħed li nofs il-kabinett ikunu nisa.