maltarightnow.com
5 t' Awwissu, 2012
17:11 CET |
L-entużjażmu ta' kull min hu involut fil-Maratona Oħloq Tbissima jista' jinħass sew fejn anke dawk preżenti jidhru li qed jappreżżaw l-attivita' li għaddejja fil-bitħa tad-Dar ta' San Ġużepp.
Fost l-attivitajiet li għaddejin kontinwament, kultant qed jidhru filmati li juru l-ħajja u l-bżonnijiet fil-missjonijiet waqt li kultant qed isiru diversi kollegamenti mal-missjunarji permezz ta' Skype.
Is-60 siegħa tal-maratona qed jixxandru fuq FAVOURITE TV, b'kollegamenti ma' NET TV, ONE TV u TVM. Ta' min isemmi wkoll li din il-Maratona qed tkun streamed live kollha kemm hi fuq il-website ta' ĊAM Productions international: www.camcpi.org
Il-programm għal-lum se jkompli bil-logħba Musichiere fil-5:30, fis-6.30pm tibda l-aħħar parti tas-serata tal-Festival - Żifna mal-Isltilel u fis-7.45 ikollna siltiet minn DREAMS, il-Musical popolari. Fid-8.45pm tibda l-aħħar fażi tas-serata ppreżentata minn Joseph Chetcuti, Claudette Pace u Valerie Vella, li twassalna sa tmiem din il-Maratona.
Intant sa 7.30pm inġabret is-Somma sabiħa ta' €128,768.46.
Il-pubbliku huwa mħeġġeġ jkompli juri l-appoġġ tiegħu, kemm billi jżur il-bitħa ta' Dar San Ġużepp, kif ukoll billi jagħti d-donazzjoni tiegħu. Wieħed jifhem li biex titwettaq il-ħidma li għandhom fi ħsiebhom il-Patrijiet tas-Soċjeta' Missjunarja ta' San Pawl, l-ispejjes huma kbar u għalhekk, aktar ma jinġabru flus permezz ta' din il-maratona, aktar ikun jista' jsir ġid.
Min jixtieq jagħti d-donazzjoni tiegħu jista' jagħmel dan billi jċempel fuq:
€10 51602004
€15 51702007
€25 51802009
SMS €4.66 50618099
|
sezzjoni: aħbarijiet lokali
Ċentri tas-saħħa
