Charles MUSCAT
23 t' April, 2012
11:27 CET |
Il-Gvern din is-sena żied il-vot tar-riċerka għal €1.6 miljun u se jsir investiment ta' €3.5 miljun f'ċentru interattiv tax-xjenza li għandu jservi biex iħajjar tfal u żgħażagħ lejn il-qasam tax-xejnza.
Il-Ministru tal-Ġustizzja, il-Konsultazzjoni Pubblika u l-Familja Chris Said qal dan meta fetaħ l-NSTF Science Expo għall-istudenti li qed issir fil-Park tan-Natura u ċ-Ċentru għall-Iżvilupp Sostenibbli fi Xrobb l-Għaġin, f'Marsaxlokk.
Mijiet ta' studenti qed jiehdu sehem fl-Expo b'diversi esperimenti li għamlu flimkien mal-għalliema tagħhom.
Chris Said qal li l-Gvern qed jagħti aktar importanza u jinvesti fix-xjenza u l-innovazzjoni.
Ix-xogħol fuq il-Park Industrijali imsejjah BioMalta Campus beda u dan il-progett qed isir b'investiment ta' 30 miljun ewro. Dan se jipprovdi l-infrastruttura meħtieġa għar-riċerka u l-innovazzjoni industrijali lil industrija tal-farmaċewtika u xjenzi relatati mal-ħajja.
|
sezzjoni: aħbarijiet lokali
Ċentri tas-saħħa
