Jasal Malta grupp ieħor ta' 87 immigrant

Grupp ta' 87 immigrant li ġew salvati aktar kmieni waranofsinhar meta kienu 65 mil nawtiku fin-Nofsinhar ta' Malta. Huma ddaħlu f'Xatt it-Tiben għall-ħabta tas-7 ta' filgħaxija abbord il-patrol boat P-51.

F'dan il-grupp kien hemm 62 raġel u 25 mara li tlieta minnhom huma tqal waqt li erba' persuni ttieħdu l-isptar Mater Dei minħabba li kellhom bżonn assistenza medika.