23 ta' Lulju, 2012
13:41 CET |
Stastistika tal-NSO turi li bejn Jannar u Ġunju 2012 kien hemm żieda t'aktar minn 25,000 turist li ġew Malta fuq Cruise, li jfisser kważi 13%.
Dan minkejja li f'Ġunju waħdu, it-turisti tal-Cruise Liners naqsu bi ftit – b'madwar 5%, li jfisser inqas minn 1%.
B'kollox, fl-ewwel sitt xhur ta' din is-sena ġew Malta 227,300 passiġġier tal-Cruise Liners, bl-akbar ammont kienu turisti minn pajjiżi tal-UE. L-aktar suq b'saħħtu għat-turiżmu tal-Cruise Liners lejn Malta baqa' dak Ġermaniż, segwit mis-suq Taljan u minn dak Franċiż. 18% tat-turisti ġew minn pajjiżi barra mill-Ewropa, li aktar minn nofshom kienu turisti Amerikani. Kienu rappurtati żidiet ukoll fit-turisti li żaru Għawdex fuq Cruise Liner.
L-Uffiċċju nazzjonali tal-istatistika jghid li b'kollox fl-ewwel nofs ta' din is-sena daħlu Malta 125 Cruise Liner, li jfisser tnax iktar milli rabtu fil-Port il-Kbir fl-ewwel sitt xhur tas-sena l-oħra. F'Ġunju waħdu daħlu daqs kemm daħlu fl-istess xahar tal-2011, total ta' 37 bastiment.
|
sezzjoni: aħbarijiet lokali
Ċentri tas-saħħa
