Intoppi għal inizjattiva ġdida fis-Sirja

Ħadu daqqa ta' ħarta t-tamiet dwar inizjattiva ġdida dwar is-Sirja wara li r-Russja opponiet 'kategorikament' għal intervent barrani fis-Sirja – u wara li l-President Franċiż Francois Hollande qal li 'kienu għadhom ma eskludewx' intervent militari awtorizzat mill-Kunsill tas-Sigurta' tan-Nazzjonijiet Uniti.

Sadattant, it-Turkija qed tkeċċi lill-istaff kollu diplomatiku Sirjan minn Ankara wara li pajjiżi tal-Punent ħadu passi simili. Dan meta u l-osservaturi tan-NU ivverifikaw dak li qed jidher bħala qtil tal-massa ieħor fis-Sirja fost sejba ta' katavri fl-inħawi ta' Al-Sukar, lejn il-Lvant ta' Deir al-Zour.