14 t' Awwissu, 2012
19:37 CET |
Is-Soċjetà Agrikola, Industrijali u Kulturali ta’ Għawdex żammet l-appuntament annwali tagħha ma’ eluf ta’ viżitaturi Għawdxin, Maltin u barranin li kull sena jattendu għall-wirja tradizzjonali tal-Biedja u Snajja’ li ilha ssir sa mill-1855.
Din is-sena l-wirja reġgħet qed issir fi Ġnien Villa Rundle wara li fl-aħħar sentejn kienet qed issir f’siti alternattivi minħabba x-xogħol ta’ ristrutturar li kien qed isir fil-ġnien.
Il-wirja kienet inawgurata uffiċjalment minn Giovanna Debono, il-Ministru għal Għawdex. Hi qalet li l-impatt tas-settur agrikolu għandu rwol vitali fil-konservazzjoni tal-ambjent rurali li jispikka madwar il-gżira ta’ Għawdex. Dan hu fatt rikonoxxut u apprezzat u jagħti valur addizzjonali lix-xogħol siewi mwettaq mill-bdiewa.
Il-Ministru rriferiet għall-proġetti tal-Ministeru għal Għawdex b’risq dan is-settur li jinkludu l-biċċerija ġdida kif ukoll it-twaqqif taċ-?entru ta’ Innovazzjoni fiċ--Xjenzi Rurali u l-Ambjent li qed isir bil-kollaborazzjoni mal-Università ta’ Malta.
Semmiet ukoll il-ħidma tal-Ministeru għal Għawdex matul is-sena fejn permezz ta’ skemi ta’ Eko-Għawdex għall-Kunsilli Lokali u Organizzazzjonijiet Mhux Goverattivi Għawdxin inbnew madwar ħames kilometri ta’ ħitan tas-sejjieħ.
Inizjattivi oħra b’risq is-settur agrikolu huma t-tindif tal-widien u lqugħ kif ukoll korsijiet dwar pariri għal użu għaqli tal-pestiċidi u prattiċi agrikoli tajbin.
|
sezzjoni: Għawdex
Ċentri tas-saħħa
