Immigrant ta' 32 sena mill-Mali, li kien ilu maħrub għal tliet snin, miet matul il-lejl bejn il-Ġimgħa u s-Sibt f'vettura quddiem iċ-Ċentru tas-Saħħa ta' Raħal Ġdid.
Minn stqarrijiet maħruġa mill-Pulizija u mis-Servizz ta' Detenzjoni jirriżulta li l-immigrant kien ħarab minn Ċentru ta' Detenzjoni f'Awwissu ta' tliet snin ilu. Iżda l-:imgħa, l-immigrant talab l-għajununa medika fiċ-?entru tas-Saħħa tal-Furjana. Kien hawn li ssejħu l-Pulizija u l-immigrant ittieħed fiċ-?entru ta' Detenzjoni ta' Ħal Safi.
Iżda malli ddaħħal fiċ-Ċentru, l-immigrant kien aggressiv lejn l-immgiranti l-oħra u għalhekk ittieħed lura fiċ-Ċentru tas-Saħħa tal-Furjana fejn sarlu appuntament biex jiġi nvistat b'urġenza minn Psikjatra s-Sibt filgħodu.
Wara li ttieħed lura fiċ-ċentru ta' detenzjoni, l-immigrant kompla jkun aggressiv lejn l-immigranti l-oħra tant li dawn kienu se jduru għalih.
L-uffiċjali ddeċidew li jifirdu lill-immigrant minn mal-oħrajn u għalhekk dan kien qed jinżamm fil-guardroom, iżda b'xi mod irnexxielu jaħrab.
Hu nstab ftit tal-ħin wara iżda beda jirreżisti lill-uffiċjali tas-Servizz ta' Detenzjoni, b'wieħed minnhom ġie migdum u sofra xi ġrieħi.
Skont il-proċedura, l-immigrant ittieħed fiċ-Ċentru tas-Saħħa ta' Raħal Ġdid biex jiġi invistat iżda waqt li kien fil-vettura quddiem iċ-ċentru ma baqax jirrispondi. It-tabib ta' Raħal Ġdid niżel biex jeżaminah iżda ċċertifikaħ mejjet fil-post.
Il-kawża tal-mewt għadha ma ġietx determinata u mistennija jsiru numru ta' eżamijiet.
Ħames persuni qegħdin jgħinu lill-Pulizija bl-investigazzjonijiet tagħha dwar il-każ, li dwaru, il-Maġistrat tal-Għassa Miriam Hayman ħatret inkjesta.
sezzjoni: aħbarijiet lokali
Ċentri tas-saħħa
