Illum jibda l-Kunsill Ġenerali tal-PN

Illum fis-18:30 jingħata bidu għall-Kunsill Ġenerali tal-Partit Nazzjonalist fid-Dar Ċentrali f'Tal-Pieta' li se jkun imqassam fuq żewġ sessjonijiet. It-tieni sessjoni se ssir il-Ħadd li ġej bejn id-9:30 u n-12:30.

It-tema magħżula għal dan il-Kunsill Ġenerali amministrattiv hi 'Fiduċja fik u f'Uliedek'.

Minbarra l-preżentazzjoni tad-dokument għad-diskussjoni mis-Segretarju Ġenerali Paul Borg Olivier, se jsiru wkoll diskorsi importanti mill-Viċi Prim Ministru u Viċi Kap tal-PN, Tonio Borg u mill-Prim Ministru u Kap tal-Partit Nazzjonalista, Lawrence Gonzi, li jagħlaq il-Kunsill Ġenerali nhar il-Ħadd li ġej.  Matul iż-żewġ sessjonijiet se jsiru wkoll interventi mill-Kunsillieri.

Se jindirizza wkoll dan il-Kunsill Ġenerali mistieden specjali tal-PN mill-Partit Popolari Ewropew – Martin Kamp, li huwa  s-Segretarju Ġenerali tal-Grupp tal-PPE fil-Parlament Ewropew.