maltarightnow.com
21 t' April, 2012
10:46 CET |
Attivita kulturali li daħlet fis-sitt sena tagħha hi l-Festival Seher il-Punent organizzat mill-Kunsill Lokali tal-Għarb, li din is-sena se jkun mifrux fuq tlett ijiem, bejn il-Ġimgħa 27 u l-Ħadd 29 t'April.
Il-festival se jkun imżewwaq b'diversi attivitajiet bl-ewwel waħda minnhom tkun ikla Tradizzjonali b'kant u żfin folkloristiku.
Se jkun hemm ukoll kunċert mużikali ippreżentat mis-Soċjeta' Mużikali Viżitazzjoni tal-Għarb li se jieħu n-nies lura fis-snin 70, 80 u 90 b'daqq ta' kanzunetti minn artisti leġġendarji ta' dawn iż-żminijiet fost oħrajn tal-ABBA, Queen, Michael Jackson, Whitney Houston, u Andrea Bocelli taħt id-direzzjoni tal-Maestro George Apap.
Barra minn hekk se jkun hemm ukoll festival tal-logħob tan-nar u produzzjoni tal-akbar ġbejna li għal darb'oħra ser tkun qed taqbeż il-piż tas-sena ta' qabel li kien dak ta' 77kg li minnu nnifsu diġa' kien rekord għall-ewwel sena fejn kien laħaq il-piż ta' 35kg. Se jkun hemm ukoll zoni b'animaturi u logħob għat-tfal.
Dan il-Festival qed isir bil-kollaborazzjoni tal-Ministeru għal Għawdex, il-Ministeru għall-Intern u l-Affarijiet Parlamentari, u l-Awtorita Maltija għat-Turiżmu.
Dawn it-tlett ijiem qed jiġu organizzati għax l-għan tal-Kunsill Lokali tal-Għarb kien u jibqa' dejjem dak li jorganizza attivita' għall-familja kollha li b'mod partikolari sservi bħala attrazzjoni sabiex jiġu attirati viżitaturi lejn il-Gżira t'Għawdex – xi ħaġa li minnha jgawdi l-kummerċ kollu Għawdxi.
|
sezzjoni: Għawdex
Ċentri tas-saħħa
