26 ta' Mejju, 2012
16:54 CET |
L-Assoċjazzjoni tal-Kunsilli Lokali organizzat laqgħa għas-Sindki u l-Viċi Sindki biex tiddiskuti il-politika nazzjonali dwar l-ambjent, u temi oħra. Saret ukoll preżentazzjoni dwar proġetti fil-qasam taż-żgħażagħ mill-Aġenzija Żgħażagħ, filwaqt li ġew trattati wkoll il-Patt tas-Sindki u l-fondazzjoni Valletta 2018 .
Għall-gheluq ta' din il-laqgħa kien hemm preżenti il-Ministru għall-Intern u l-Affarijiet Parlamentari Carm Mifsud Bonnici li fid-diskors tiegħu sostna li bġala individwi għandna nifmhu l-valur li għandhom il-Kunsilli Lokali li dejjem huma lesti li jservu liċ-ċittadini tal-lokalita' rispettiva tagħhom.
Fid-diskors tiegħu hu għamel enfasi fuq tlett punti li huma li l-Kunsilli Lokali għandhom jikollabboraw aktar mal-Pulizija biex b'hekk tkun assigurata s-sigurta fil-lokalitajiet, semma li l-Kunsilli Lokali għandhom jagħtu r-rispons tagħhom dwar ir-rapport li sar dwar il-piroteknika.
Fl-aħħarnet għamel appell sabiex jaħdmu favur il-ġustizzja riparatriċi fejn il-Kunsilli Lokali jgħinu lil dawk iż-żgħażagħ li jinsabu fil-faċilita' korrettiva ta' Kordin, sabiex jintegraw ruħhom fis-soċjeta' billi jwettqu xogħol fil-komunita' għad-dispożizzjoni tal-Kunsilli Lokali.
Il-Ministru rringrazzja lis-Sindki u l-Viċi Sindki li minkejja li dejjem iħabbtu wiċċhom ma' diffikultajiet u sfidi ġodda qed jirnexxielhom iwettqu ħidma siewja. Carm Mifsud Bonnici fakkarhom li hu dejjem lest li joffri l-koperazzjoni tiegħu.
|
sezzjoni: aħbarijiet lokali
Ċentri tas-saħħa
