14 ta' Lulju, 2012
17:14 CET |
Omm iż-żgħażugħ Tuneżin li s-suwiċidju tiegħu ta bidu għar-Rebbiegħa Għarbija kienet arrestata wara li kienet involuta fi ġlieda ma' uffiċjal tal-qorti.
Salem Bouazizi, ħu Mohammed Bouazizi li l-mewt tiegħu bdiet ir-rivoluzzjoni fid-dinja Għarbija, qal li ommu kienet arrestata f'Sidi Bouzid, il-belt fejn bdiet ir-rivoluzzjoni Tuneżina.
Hu qal li ommu kienet wieġbet għal insult minn impjegat tal-qorti li imbagħad imbutta u għalaq il-bieb f'wiċċha. Dan wara li marret b'applikazzjoni.
Mohammed Bouazizi kien ta n-nar lilu nnifsu fis-17 ta' Diċembru tal-2010 wara li l-pulizija kienu sekwestrawlu l-karettun li kien imur ibiegħ biħ. Hu kien miet xahar wara.
Dan il-ġest kien ta bidu għal sensiela ta' protesti fit-Tuneżija li malajr waslu fil-kapitali u wasslu biex id-ditattur veterna Zine al-Abidine Ben Ali kellu jaħrab mill-pajjiż fl-14 ta' Jannar tal-2011.
Dan wassal biex f'pajjiżi Għarab oħra jibdew protesti simili kontra d-ditatturi li kien hemm u eventwalment waslu beix tneħħew id-ditatturi fl-Eġittu u l-Libja.
Il-qraba ta' dawk li nqatlu fir-rivoluzzjoni fit-Tuneżija qed jilmentaw li l-Gvern ftit li xejn għamel beix jagħtihom kumpens jew biex itejjeb is-sitwazzjoni fil-pajjiż.
|
sezzjoni: internazzjonali
Ċentri tas-saħħa
