9 t' Awwissu, 2012
15:55 CET |
Mara ta' 84 sena tilfet ħajjitha fil-bajja tal-Għadira, il-Mellieħa, wara li jidher li sabet ruħha f'diffikultajiet waqt li kienet qed tgħum fl-istess bajja.
Jidher li l-mara, residenti San Pawl il-Baħar, ġiet innutata min-nies wiċċha 'l isfel fil-baħar. Issejħet l-għajnuna tal-Life Guards preżenti fuq il-bajja sabiex tingħata l-għajnuna u tittella' l-art. Il-Life Guards taw is-CPR lill-anzjana, fejn sadanittant laħqet waslet ambulanza, iżda sfortunatament l-anzjana ġiet iċċertifikata mejta fil-post.
Bil-każ ġiet infurmata l-Maġistrat tal-Għassa Mars-Anne Farrugia, li ħatret diversi esperti biex jassistuha fl-inkjesta.
Il-Pulizija qed tinvestiga.
|
sezzjoni: aħbarijiet lokali
Ċentri tas-saħħa
