7 ta' Mejju, 2012
19:31 CET |
Il-Gvern, permezz tal-Malta Enterprise u l-Malta Industrial Parks qed jinvesti aktar minn 27 miljun ewro biex jitjieb l-ambjent fiż-żoni industrijali sabiex jilqa' iktar kemm lill-impjegati tal-kumpaniji kif ukoll lill-klijenti tagħhom. L-investiment globali jlaħħaq mas-17-il miljun ewro b'ko-finanzjament mill-ERDF.
Permezz ta' invstiment li qed isir f'Kordin, se jsiru tliet proġetti, żviluppar ta' hutment area b'investiment li jlaħħaq għaxar miljun ewro li se jiffaċilitaw 64 unit għal madwar 70 negozju żgħir, upgrading taż-żona tal-fabbriki biex jiġi attirat iktar investiment barrani, kif ukoll bini ta' child care centre li se joħloq bilanċ bejn il-karriera u l-familja, li hu investiment ta' aktar minn 600 elf ewro.
Dan kollu huwa xhieda tal-Gvern biex jixpruna t-tkattir tal-attivita ekonomika li twassal għall-ħolqien t'aktar xogħol.
Hekk sostnew il-Ministri Tonio Fenech u Jason Azzopardi fi żjara li għamlu fiż-żona ta' Kordin biex isegwu x-xogħol li jinsab għaddej.
Il-Ministru Tonio Fenech spjega xi jfissru dawn il-proġetti fid-dawl tal-ħolqien tal-impjiegi.
Minn naħa tiegħu, il-Ministru Jason Azzopardi fisser kif dawn il-proġetti huma ta' ġid kbir għall-intrapriżi żgħar u medji u kif dan kollu u riżultat ta' politika tal-Gvern.
Dan kollu huwa biss wieħed minn diversi proġetti li qed isiru biex jitjiebu żoni industrijali oħra – ta' Ħal Far, Bulebel, il-Mosta Technopark u x-Xewkija.
|
sezzjoni: aħbarijiet lokali
Ċentri tas-saħħa
