 |
SAN ĠORĠ |
|
IL-KANONIZZAZZJONI TA' L-EWWEL
QADDIS MALTI |
|
Ġie kkanonizzat uffiċjalment
fi Pjazza San Pietru San Ġorġ
Preca, f'ċerimonja kkonċelebrata mill-Papa Benedittu XVI. Fost il-Maltin għal din
iċ-ċelebrazzjoni attenda wkoll it-tfajjel Malti - Eric Catania - li miegħu sar
il-miraklu u li permezz tiegħu San Ġorġ Preca kien iddikjarat Qaddis. Matul
il-Konċelebrazzjoni tal-lum Eric ingħata wkoll l-Ewwel Tqarbina minn idejn
il-Papa nnifsu.
 L-arazz ta' l-ewwel Qaddis Malti San Ġorġ Preca |
 Eric Catania jingħata l-Ewwel Tqarbina mill- Papa Benedittu XVI |
RITRATTI MILL-VATIKAN
Lejliet iċ-ċerimonja tal-Ħadd, mal-faċċata tal-Bażilika ta' San Pietru, ddendlu l-arazzi ta' l-erba' Qaddisin ġodda fosthom tal-Fundatur tas-Soċjeta' tad-Duttrina Nisranija l-M.US.E.U.M. Dun Ġorġ Preca. Sadanittant, is-Sibt filgħaxija saret il-Velja ta' Talb fil-Bażilika ta' Santa Marija Maggiore u li għaliha attendew fost l-oħrajn il-President ta' Malta Eddie Fenech Adami u l-Prim Ministru Lawrence Gonzi.
ESKLUSSIVA
Segwi waħda
mill-Omeliji ta' Dun Ġorġ Preca
waqt Sajda Mużewmina
(Irrekordjata b'mod
amatorjali)
Isma intervista ma' l-Arċisqof ta' Malta Pawlu Cremona
Isma intervista ma' l-Isqof ta' Għawdex Mario Grech
Segwi filmat dwar Dun Ġorġ Preca
(filmat amatorjali li jinkludi
ritratti ta' media.link Communications)
Isma dokumentarju li kien ixxandar fuq ir-Redifussion
ftit jiem wara l-mewt ta' Dun Ġorġ Preca
(Kortesija tad-Dipartiment
ta' l-Informazzjoni)
Isma l-kanzunetta speċjali fl-okkażjoni
tal-100 sena mis-Soċjeta' tal-MUSEUM
(link mas-sit uffiċjali
tas-Soċjeta' tal-MUSEUM)
•
Min kien Dun Ġorġ Preca?
•
Ir-relikwarju ta' Dun Ġorġ Preca:
Dan
hu r-relikwarju bid-demm tal-Beatu
Ġorġ Preca, li jinsab fil-Knisja
Parrokkjali ta' San Gejtanu, Ħamrun. Dan ir-relikwarju se jittieħed Ruma
għall-Kanonizzazzjoni ta' Dun Ġorġ. Wara l-Kanonizzazzjoni, r-relikwarju se
jinġieb lura biex ir-relikwija ta' fih titqiegħed għall-qima tal-poplu, l-ewwel
f'Għawdex u mbagħad f'Malta.
Id-demm f'dan ir-relikwarju ngħata lill-Parroċċa ta' San Gejtanu mit-Tabib
Lawrence Spiteri, li kien it-tabib kuranti ta' Dun Ġorġ. B'kollox, Dr.
Spiteri kellu tliet tubi żgħar bid-demm ta' Dun Ġorġ. Tubu minnhom tah
lis-Soċjeta' tal-MUSEUM, filwaqt li t-tielet wieħed qiegħed għandu.
Ir-relikwarju fil-Parroċċa ta' San Gejtanu sar fl-2001, meta tħabbar li Dun
Ġorġ kien se jiġi bbeatifikat.
Id-disinn tar-relikwarju hu ta' Renzo Gauci u l-mudelli tat-tliet anġli li
hemm miegħu saru minn Joe Galea. Ir-relikwarju nħadem minn Cutajar Works.
• Insiru nafu lil San Ġorġ Preca mill-ittri tiegħu
Mill-Erbgħa, 30 ta' Mejju fuq l-ixkafef tal-Librara ewlenin żdied ktieb
ieħor ippubblikat mid-Dar ta' Pubblikazzjonijiet "Reliġjon u Ħajja" bit-titlu
"San Ġorġ Preca fid-Dawl ta' l-Ittri tiegħu". Fir-realta' dan il-ktieb hu
edizzjoni ġdida ta' żewġ pubblikazzjonijiet fuq il-Qaddis tal-mibki Patri
Alexander Bonnici ofm conv, li ħalla diversi xogħlijiet kbar u mportanti fuq
Dun Ġorġ. Il-ktieb "Dun Ġorġ Preca fid-Dawl ta' l-Ittri Tiegħu" Patri
Alexander ippubblikah fl-1977.
Mill-ittri ta' Dun Ġorġ miġbura f'dan il-ktieb joħroġ ir-ritratt ta' l-ispiritwalita'
u l-kariżma ta' dan il-Qassis li ddedika ħajtu biex iwassal lil Kristu u t-tagħlim
tiegħu fost il-poplu Malti. L-ittri juru x'kienu l-ħsibijiet u x-xewqat ta'
Dun Ġorġ, kif kien jaħsibha bħala bniedem u kemm kellu ħila jagħti lilu
nnifsu lill-oħrajn. Fi kliem Fr. Paul Darmanin ofm conv., id-Direttur
tad-Dar tal-Pubblikazzjonijiet, "din il-pubblikazzjoni tista' titqies
għalhekk bħala kapolavur storiku kritiku ta' l-ittri ta' Dun Ġorġ, u minn
dan l-istudju għaqli ta' Patri Alexander jidher il-karattru u l-personalita'
ta' l-ewwel Qaddis ikkanonizzat Malti".
Dan il-ktieb jinkludi wkoll pubblikazzjoni li saret fl-2001 fl-okkażjoni ta'
meta l-Papa Ġwanni Pawlu II ddikjara lil Dun Ġorġ fost il-Beati. Din
il-parti tal-ktieb tagħti ħjiel storiku u kronoloġiku tal-Qaddis il-ġdid.
Patri Edmund Teuma ofm conv, ħa ħsieb jirtokka, jikkoreġi u jaġġorna fejn
kien meħtieġ biex dawn iż-żewġ kotba joħorġu flimkien fi ktieb wieħed
b'libsa ġdida u b'isem ġdid għall-okkażjoni tal-Kanonizzazzjoni għall-Beatu
Ġorġ Preca. "San Ġorġ Preca fid-Dawl ta' l-Ittri Tiegħu" għandu aktar minn
300 paġna li żgur jogħġbu lill-qarrejja.
Ritratti: M.U.S.E.U.M
Intervisti: Simon Cassar
Audio Clips: Justin Saliba / John Bruno / DOI
Muntaġġ tal-Video Clip: Ivan Pirotta
Kordinazzjoni u Produzzjoni: Simon Cassar
Tidher l-aħjar b'Microsoft Internet Explorer b'riżoluzzjoni 1024x768