MaltaRightNow.com
16 ta' Marzu, 2010
19:21 CET |
Yellow Pages (Malta) Ltd riċentement ħadet l-inizjattiva ta' ġbir ta' numru konsiderevoli ta' kotba għat-tfal u adolexxenti biex jagħtuhom lill-librerija lokali tal-Marsa. Total ta' 365 ktieb kienu miġbura mill-membri kollha tal-Yellow Pages li ħadu interess kbir fl-attività.
Il-ġbir serva skopijiet multipli, jiġifieri li jiddonaw il-kotba lis-Sindku tal-Marsa, is-Sur Frans Debono, li min-naħa għaddiehom il-librerija pubblika miżmuma fi ħdan l-iskola tal-Marsa. Skop ieħor wara din l-inizjattiva huwa li jiġu riċeklati kotba li jistgħu jiġu utilizzati b'mod aħjar milli qed jitħallew mhux użati fl-libreriji wara li jkunu ġew moqrija.
Kelliem tal-Yellow Pages (Malta) Ltd stqarr li apparti mill-donazzjonijiet tal-kotba, il-kumpanija ser tkun qed tippreżenta wkoll total ta' 50 ballun tal-futbol f'donazzjoni lin-Nursery tal-Football tal-Marsa. Dan qed isir fi sforz biex jinkoraġġixxu u jippromwovu l-attivitajiet ta' l-isport fost iż-żgħażagħ li jattendu dan il-nursery.
Is-Sur Frans Debono faħħar l-inizjattiva u esprima l-inkoraġġiment tiegħu, tħeġġeġ kumpaniji oħra biex isegwu l-eżempju stabbilit mill-Yellow Pages (Malta) Ltd u faħħar l-impenn tal-Yellow Pages li tkompli tieħu interess attiv fil-komunità li fih topera.
|
