18 t' Awwissu, 2012
20:23 CET |
Iċ-ċiklist Ingliż Bradley Wiggins mhux se jieħu sehem fit-Tour tad-Danimarka biex b’hekk jistrieħ wara li dan rebaħ it-Tour de France u l-midalja tad-deheb fl-Olimpjadi. Wiggins, li hu membru ta’ Team Sky, sar l-ewwel Britanniku li qatt rebaħ it-Tour de Fance.
Bħalissa Wiggins jinsab fuq btala f’Mallorca u mhux se jingħaqad mal-kumplament tat-tim li se jikkompeti fit-Toure li jibda fit-22 ta’ Awwissu u jintemm fis-26 ta’ Awwissu.
Jista’ jagħti l-każ li Wiggins issa jkun inkluż fit-tim li se jikkompeti fit-Tour tar-Renju Unit, li jibda fid-9 ta’ Settembru< imma jekk dan ma jseħħx, Wiggins jieħu sehem fil-kampjonati mondjali li se jsiru ġimgħa wara, fl-Olanda.
L-aħbar li Wiggins mhux se jieħu sehem fit-Tour tad-Danimarka mhux se tinżel tajjeb mal-organizzaturi, li ilhom il-ġimgħat jirreklamaw li għal dan it-tour se jkun hemm Wiggins flimkien ma’ sieħbu Cavendish.
Cavedish se jkun akkumpanjat minn Peter Kennaugh u Geraint Thomas żewġ ċiklisti oħra li ħadu sehem fl-Olimpjadi ta’ Londra. Luke Rowe, ċiklist promettenti minn Wales, ġie inkluż fit-tim, li hu magħmul minn Bernard Eisel tal-Awstrija, Davide Martinelli tal-Italja, Lars-Peter Nordhaug tan-Norveġja u Michael Rogers tal-Awstralja.
|
sezzjoni: sport
Ċentri tas-saħħa
