11 t' April, 2012
23:27 CET |
Manchester City naqqsu d-distakk għal ħames punti taħt Manchester United wara li għelbu 4-0 lil West Brom filwaqt li United ġew megħluba minn Wigan.
Goal ta' Shaun Maloney ta' rebħa lil Wigan kontra Manchester Unitex biex b'hekk ħarġu miż-żona tar-relegation. Il-goal wasal fil-50 minuta minn xutt mit-tarf tal-kaxxa. B'din ir-rebħa Wigan poġġew lil Bolton u Blackburn fl-inkwiet u Manchester United ħallew lil City jnaqqsu d-distakk.
Manchester City f'darhom għelbu 4-0 bir-ritorn għal goal ta' Tevez. Wara sitt minuti Aguero poġġa lil City fil-vantaġġ u rdoppja fil-54 minuta. Fil-61 minuta Tevez kiseb it-tielet goal bir-raba' goal jasal minn Silva tliet minuti wara.
Arsenal kisbu rebħa ta' 3-0 fuq Wolves barra minn darhom. Wara tmien minuta Bassong tkeċċa wara foul fuq Walcott fil-kaxxa. Mill-penalty Van Persie ma jfalliex. Żewġ minuti wara Walcott kiseb it-tieni goal filwaqt li fis-69 minuta Benayoun kiseb it-tielet goal.
Queens Park Rangers f'darhom kisbu rebħa ta' 3-0. Fi tmiem l-ewwel taqsima Barton poġġa lil QPR fil-vantaġġ. Fit-tieni taqsima Mackie fil-55 minuta u Buzsaky fis-67 kisbu l-goals li ssiġillaw ir-rebħa.
Riżultati
Manchester C. 4 - 0 West Bromwich A.
Wigan Athletic 1 - 0 Manchester U.
Wolverhampton W. 0 - 3 Arsenal
Queens Park R. 3 - 0 Swansea C.
|
sezzjoni: sport
Ċentri tas-saħħa
