23 ta' Ġunju, 2012
17:11 CET |
Id-difensur ċentrali Taljan Leonardo Bonucci f'kummenti li ta qabel l-isfida tal-lum mill-aħħar kwarti tal-finali bejn l-Ingilterra u l-Italja, qal li l-Azzurri huma superjuri għat-tim ta' Roy Hodgson.
L-Ingilterra spiċċaw fl-ewwel post fi Grupp D b'seba' punti waqt li l-Italja temmew it-tieni fi Grupp C b'ħames punti. Imma Bonucci li misenni li jibda fiċ-ċentru tad-difiża f'Kiev, wara injury li sofra Giorgio Chiellini, jemmen li hi l-kwalita` ta' futbol li tgħodd f'partiti bħal dawn.
“Għal-logħob li wrejna f'dawn l-ewwel tliet partiti, nistgħu ngħidu li aħna l-aħjar tim,” qal Bonucci f'konferenza tal-aħbarijiet din il-ġimgħa.
“Madankollu tajjeb li wieħed iżomm f'moħħu li fil-pitch jgħoddu affariijiet oħra bħalma huma determinazzjoni u l-ħeġġa għar-rebħa affarijiet li anke aħna m'aħniex neqsin minnhom. Imma biex timxi t-triq kollha trid ukoll il-fortuna.”
L-Italja ġew draw 1-1 kontra l-holders Spanja fl-ewwel logħba tagħhom mill-grupp u kienu mfaħħra wkoll għall-istil attraenti ta' logħob tagħhom waqt li l-Ingliżi wkoll urew ħeġġa u determinazzjoni fir-rimonta 3-2 fuq l-Iżvezja u r-rebħa 1-0 fuq l-Ukrajna.
|
sezzjoni: sport
Ċentri tas-saħħa
