Issir edizzjoni oħra tal-Perdonanza fil-bekt tal-Aquila

Fil-belt tal-Aquila, tnieda l-programm tas-718 edizzjoni tal-Perdonanza. Il-Perdonanza hija ċerimonja reliġjuża bħall-ġublew li huwa eklussiv għal din il-belt li kienet inħolqot bl-għajuna ta' Papa Celestinu V, l-uniku papa fl-istorja tal-Knisja Kattolika li kien abdika.

Din iċ-ċerimonja ssir kull sena fil-bażilika ta' Santa Maria di Collemaggio fejn kull min ikun qerr u jipprofessa l-fidi kattolika u jidħol fil-bażilika jingħata indulġenza plenarja skont digriet tal-1294.

Fost iċ-ċelebrazzjonijiet li jsiru kull sena hemm korteo bil-parċmina tad-digriet Papali li, ħaġa unika ta' din iċ-ċerimonja, tinqara mis-sindku tal-belt qabel ma tinfetaħ il-Porta Santa għal min irid igawdi mill-indulġenza.