29 ta' Lulju, 2010
12:18 CET |
450 student u studenta li bħalissa qed jattendu skola tas-Sajf iltaqgħu mal-Arċisqof Pawl Cremona, li ħa sehem f'attivitajiet li dawn l-istudenti kienu qed jagħmlu bħala parti minn programm ta' tmien ġimgħat, 'Kidstart'.
L-Arċisqof kellu opportunita' li jiltaqa ma' ħames gruppi ta' tfal, mill-eta' tenera ta' sentejn għal dawk aktar maturi fil-grupp taż-żgħażagħ ta' bejn it-tnax u l-ħmistax-il sena.
Il-grupp ta' żgħażagħ kellhom iċ-ċans ukoll li jistaqsu mistoqsijiet lill-Arċisqof, fosthom xi jfisser li wieħed ikun Arċisqof, jekk għandux liċenzja tas-sewqan u saħansittra jekk qatt kellux tfajla.
F'sessjoni interattiva ħafna l-istudenti setgħu jiskopru kif warden riedet tagħti ċitazzjoni lill-Isqof talli ma kellu numru ta' reġistrazzjoni fuq il-karozza.
Wara, l-Isqof ġie mogħti affarijiet li t-tfal stess ġabru u li issa se jmorru għall-karita'.
|
