Michael CARUANA
16 ta' Marzu, 2010
21:15 CET |
Il-Parlament kompla d-diskussjoni dwar ir-riforma tal-Awtorità tal-Ippjanar u l-Iżvilupp (il-MEPA). Fis-seduta tat-Tlieta filgħaxija tkellmu d-Deputati Nazzjonalisti Frederick Azzopardi, Franco Debono u Ċensu Galea u dawk Laburisti Stefan Buontempo u Josè Herrera. Id-diskussjoni dwar ir-riforma tal-MEPA tkompli l-Erbgħa filgħaxija.
Fil-bidu tas-seduta, id-Deputat Nazzjonalista Michael Frendo poġġa fuq il-Mejda tal-Parlament 45 dokument tal-Unjoni Ewropea li sar skrutinju tagħhom minn Working Groups fi ħdan il-Kumitat dwar l-Affarijiet Barranin u Ewropej.
Fl-Aġġornament tkellem il-Ministru għar-Riżorsi u l-Affarijiet Rurali George Pullicino. Qabel, id-Deputat Nazzjonalista Edwin Vassallo poġġa fuq il-Mejda tal-Parlament ġabra ta' statistika dwar il-falliment fiż-żwieġ u dwar l-infieq tal-Gvern b'risq il-familja li kienet ippreżentata aktar qabel lill-Kumitat dwar l-Affarijiet Soċjali minn Michael Pace Ross, Direttur Ġenerali tal-Uffiċċju Nazzjonali tal-Istatistika u minn Etienne Caruana, Direttur Statistika Soċjali u Soċjetà Informatika fi ħdan l-istess Uffiċċju.
|
