MaltaRightNow.com
8 ta' Frar, 2010
19:59 CET |
Nhar l-Erbgħa 10 ta' Frar se ssir ġurnata ta' ġbir ta' fondi permezz ta' servizzi ta' hairdressing u sbuħija b'risq il-Missjoni għall-proġetti fil-Kenja mill-Grupp Missjunarju Kull Bniedem Ħija.
Din l-attività se ssir fis-sala parrokkjali ta' Wied il-Għajn bejn it-8.00am u t-8.00pm. Ikun hemm diversi servizzi bi prezzijiet aħjar minn tas-soltu. Is-servizzi jinkludu qtugħ ta' xagħar, manicures, facials, massages u oħrajn minn persuni b'esperjenza kbira fil-qasam tagħhom.
Dan se jsir sabiex jinġabru flus għad-dar tat-tfal u żgħażagħ bi bżonnijiet speċjali fil-Kenja. Din id-dar inbniet 3 snin ilu u tilqa' fiha 37 tfal u żgħażagħ imħalltin fejn jirċievu l-edukazzjoni tagħhom primarja u sekondarja. Is-sena l-oħra il-Grupp Kull Bniedem Ħija bena klinika u 6 workshops fejn dawn it-tfal ikunu jistgħu jitgħallmu xi snajja' u anki jitgħallmu l-komputer.
Min ikun jixtieq anki jmur jagħti donazzjoni biss jew isir jaf iktar fuq x'jagħmel dan il-grupp jista' jmur hemm ukoll. Ikun hemm cafeteria l-ġurnata kollha.
|
