foreign@media.link.com.mt
8 ta' Frar, 2010
19:40 CET |
Il-Gvern Soċjalista Spanjola saħaq li kien se jżomm ma' pjan biex iżied l-eta pensjonabbli minkejja theddid mill-unions ta' strajaks kbar. Dan saħqu Celestino Corbaco, il-Ministru tax-Xogħol Spanjol f'intervista li kienet pubblikata fil-ġurnal El Mundo.
Il-Prim Ministru Soċjalista Spanjol Jose Luis Rodriguez Zapatero qed jipprova jnaqqas l-iżbilanċ fil-finanzi pubbliċI tal-Gvern li tela' għal 11.4 fil-mija kif ukoll li jirkupra lura l-fiduċja tas-swieq finanzjarji.
Skont stħarriġ li kien ipubblikat fil-ġurnal tax-xellug Publico, 49 fil-mija tal-Ispanjoli kienu jaqblu ma' strajk ġenerali kontra l-pjani tal-Gvern biex l-eta pensjonabbli titla għal 67 sena minn 65 sena u jkun hemm qtugħ fil-pagamenti tal-pensjonijiet.
Stħarriġ tal-opinjoni pubbliku fi tmiem il-ġimgħa wera li l-appoġġ għall-mexxej Soċjalista Zapatero issa kien batta sew u fuq quddiem kien hemm Mariano Rajoy, il-mexxej tal-Partit Popolari li jinsab fl-Oppożizzjoni. Dan hekk kif il-qgħad fil-pajjiż issa kważi laħaq l-20 fil-mija.
|
