foreign@media.link.com.mt
8 ta' Frar, 2010
19:12 CET |
L-unions fil-Greċja wegħdu li kienu se jikkumbattu l-miżuri ta' awsterit ali tħabbru mill-Gvern Soċjalista Grieg il-ġimgħa li għaddiet. Ġlieda li din il-ġimgħa se tinkludi strajk mill-ħaddiema tas-settur privat.
L-istrajk li se jsir għada l-Erbgħa u li se jdum 24 siegħa se jsir hekk kif il-Prim Ministru Soċjalista George Papandreous jagħmel l-aħħar irtokki lill-pjan tiegħu biex jnaqqas id-dejn kbir li għandu l-Gvern u li poġġa lill-pajjiż f'xifer irdum.
Il-Gvern Soċjalista tiegħu wiegħed li jissikka s-sistema tat-taxxa, meqjusha bħala fost l-aktar laxki fl-Ewropa kif ukoll jiffriża l-pagi tas-settur pubbliku fi sforż li l-iżbilanċ fid-dħul tal-Gvern jonqos minn 12.7 fil-mija għal anqas minn tlieta fil-mija fl-2012 skont kif jitolbu r-regoli tal-Unjoni Ewropea. Il-problemi fil-Greċja qed ikollhom impatt neġattiv fuq il-valur tal-ewro fis-swieq internazzzjonali.
|
