MaltaRightNow.com
24 ta' Lulju, 2010
15:55 CET |
Madwar 12-il parteċipant Għawdxi għadhom kif lestew kors ta' ħamest ijiem dwar l-affreski, organizzat miċ-Ċentru Għawdxi ta' l-Arti u l-Artiġjanat Wistin Camilleri f'Għajnsielem.
Il-Professur Sergio Favotto mill-Accademia Delle Belle Arti ġewwa Firenze mexxa dan il-kors b'mod eċċellenti u professjonali, fejn fost l-oħrajn wera lill-parteċipanti metodi u tekniki varji dwar din l-arti. Il-parteċipanti kellhom ukoll l-opportunita' li jaħdmu affresk huma stess. Dun Charles Cini kien strumentali fil-koordinazzjoni ta' dan il-kors.
Dan il-kors kien l-ewwel wieħed tan-natura tiegħu f'Għawdex u ntlaqa' b'entużjażmu kbir. Il-parteċipanti kollha esprimew sodisfazzjon bir-riżultat miksub, kemm għall-professjonalita' li biha tmexxa l-kors, kif ukoll għall-esperjenza unika li kien joffri.
|
