Suċċess għall-Pulizija wara xhur ta' investigazzjonijiet

Il-Pulizija qed iżżom taħt arrest erba' rġiel Maltin b'rabta ma' investigazzjoni dwar importazzjoni ta` droga raża tal-Kannabis u trasport ta’ immigranti llegali . 

Il-Korp tal-Pulizija fi stqarrija qal li wara xhur ta` investigazzjonijiet, inġabru  provi biżejjed biex tarresta u tinvestiga  raġel ta` 45 sena min-Naxxar u raġel  ta` 39 sena, mill-Mosta, b’rabta ma’ importazzjoni ta` raża tal-Kannabis minn fuq il-bażar u trasport ta’ immigranti illegali.

 

ġew arrestati wkoll raġel ta` 59 sena, residenti l-Mellieħa u ibnu ta` 34 sena, residenti Ħ’Attard, dwar importazzjoni u traffikar ta` l-istess droga. 

Filwaqt li l-investigazzjonijiet qed jissoktaw, il-persuni mistennija jitressqu l-Qorti fis-siegħat li ġejjin .