Rebecca BORG
13 ta' Mejju, 2012
17:15 CET |
Raġel li kien qed isuq karozza tat-tip Fiat Brava SX jista' jgħoddha b'waħda wara li baqa' dieħel ġo siġra fi Triq Diċembru Tlettax, il-Marsa, hekk kif tilef il-kontroll tal-vettura u skidja.
Il-karozza, misjuqa mir-raġel ta' 46 sena mill-Belt Valletta, li kienet qed tinstaq fid-direzzjoni tal-Marsa, spiċċat daret u ġiet fid-direzzjoni opposta. L-impatt kien fuq il-bieba tax-xufier. L-inċident seħħ għall-ħabta tal-4:30 ta' waranofsinhar.
Ir-raġel inħareġ mill-karozza bl-għajnuna ta' persuni mid-Dipartiment tal-Protezzjoni Ċivili u ttieħed l-Isptar Mater Dei fejn ġie ċċertifikat li qed isofri minn ġrieħi gravi iżda mhux fil-periklu tal-mewt.
|
sezzjoni: aħbarijiet lokali
Ċentri tas-saħħa
