19 ta' Mejju, 2012
17:49 CET |
Attendenza sostanzjali fl-Open Day li saret illum fil-Kumpless Sportiv f'Ħal Kirkop, li saret jumejn biss wara l-ftuħ uffiċċjali ta' dan il-proġett li sar b'investiment ta' aktar minn 3 miljun ewro u nofs. Waqt din l-open day il-pubbliku mhux biss kellu l-opportunita' li jmur u jara l-faċilitajiet ta' dan il-Kumpless Sportiv, imma li jipparteċipa f'attivitajiet sportivi li kienu qed isiru matul il-jum.
Preżenti għal din l-open day kien hemm is-Segretarju Parlamentari għaż-Żgħażagħ u l-Isport Clyde Puli. F'dan il-Kumpless Sportiv, jistgħu jiġu pprattikati 15-il dixxiplina sportiva differenti b'użu ta' faċilitajiet mill-iktar moderni.
L-għan ewlieni ta' dan il-kumpless sportiv li għalih il-Gvern investa aktar minn tliet miljun ewro u nofs huwa li biex fih tfal, żgħażagħ u adulti jżommu lilhom infushom fiżikament attivi, imma wkoll bħala ċentru li jgħaqqad lil dawk kollha li huma dilettanti tal-isport.
|
sezzjoni: aħbarijiet lokali
Ċentri tas-saħħa
