Mezz ta' politika innovattiva mill-PN

Matul id-djalogu tal-Partit Nazzjonalista fil-Qawra tkellmu wkoll żewġ żgħażagħ dwar l-investiment tal-Gvern fl-edukazzjoni kif ukoll omm li tmexxi negozju tal-familja.

Michaela Spiteri semmiet l-inzijattiva mychoice.pn li nieda l-Partit Nazzjonalista s-Sibt u qalet li din hi mezz ta' komunikazzjoni ġdid u faċli biex jintuża. Permezz ta' dan is-sit elettroniku wieħed jista' jressaq l-ideat tiegħu.

Mario Frendo, żagħżugħ li jattendi l-Iskola Sekondarja Ogħla faħħar l-investiment tal-Gvern fl-edukazzjoni li qed jissarraf fit-tisħiħ tal-ekonomija.

Fakkar li llum 73 fil-mija taż-żgħażagħ qed ikomplu jistudjaw wara l-livell sekondarju u l-Gvern qed jibni skola ġdida kull sena. Inbnew 60 laboratorju ġdid b'tagħmir modern u 18,000 student u studenta qed jieħdu l-istipendju.

Claire Zammit, omm li tmexxi negozju tal-familja fakkret fil-ħafna miżuri favur il-familja li għamel il-Gvern fosthom iż-żieda fil-leave tal-maternita` u t-tnaqqis fl-income tax għan-nisa li jirritornaw fid-dinja tax-xogħol. Il-Gvern naqqas it-taxxa għal familji bi tfal fl-iskejjel privati u dawk li t-tfal tagħhom jattendu f'għaqdiet sportivi u investa bis-sħiħ fl-edukazzjoni.

Hi tkellmet ukoll dwar l-għajnuna li l-Gvern qed jagħti lin-negozji ż-żgħar u s-self emoployed.

Dawn id-dikjarazzjonijiet huma xhieda tal-ħidma tal-Gvern favur id-djalogu mal-poplu, l-edukazzjoni u n-negozji ż-żgħar u s-self employed.

 

 

Ritratt: Trevor SOLLARS