maltarightnow.com
2 t' April, 2012
18:12 CET |
In-noti ħelwin tal-mużika klassika kisru l-hemda tal-Universita il-Ħadd filgħaxija hekk kif fis-Sala Sir Temi Zammit kien organizzat kunċert ad unur l-eks rettur tal-Universita' Fr. Peter Seracino Inglott, li miet aktar kmieni il-ġimgħa li għaddiet.
Dan il-kunċert ittella' bil-kollaborazzjoni tal-Banda Sinfonika tal-Muniċipalita' ta' Strovolos f'Ċipru u kien segwit minn bosta studenti tal-mużika u persuni oħrajn li kienu jafu lil Fr Peter Seracino Inglott.
Fil-fatt, din il-banda daqqet partijiet minn xogħlijiet mużikali stabbiliti fil-Punent bħall-Carmina Burana ta' Carl Orff kif ukoll xogħol aktar familjari fil-Lvant tal-Ewropa, fosthom arrangament mużikali tar-Russian Easter Overture ta' Rimsky-Korsakov.
Din il-banda hija komposta minn 27 mużiċist li jagħmlu parti mill-Universita Ewropea ta' Ċipru u kemm ilha mwaqqfa tellgħet aktar minn 40 kunċert b'kollaborazzjoni ma' bosta entitajiet oħrajn.
Il-kunċert ġie kondott mis-Surmast u direttur artistiku tal-banda Yiannis Miralis.
|
sezzjoni: aħbarijiet lokali
Ċentri tas-saħħa
