Jista' jkun li Brad Pitt jipproponi lil Jolie

Bosta koppji famużi f'Hollywood ilhom flimkien għal żmien twil iżda għadhom ma daħlux għas-sagrament ta' żwieġ. Fost dawn insibu il-koppja tant magħrufa ta' Brad Pitt u Angelina Jolie. 

Din il-koppja ilha flimkien madwar seba' snin u b'kollox għandha sitt itfal iżda għadhom ma qalux dik il-famuża frażi ''Iva Irrid''lil xulxin. F'intervista Brad Pitt qal li għalkemm għadhom m'għamlux dan il-pass ma jfissirx li qatt mhu se jagħmlu, anzi jixtiequ li jingħaqdu fis-sagrament taż-żwieġ dan għaliex uliedhom ukoll urew ix-xewqa li jarawhom fuq l-artal.

Pitt żied jgħid ukoll li għalkemm bħalissa fid-dar diġa għandhom il-bilanċ mixtieq fejn jidħlu tfal ma jeskludix il-fatt li l-familja Brad-Jolie tkompli tikber.